Bilbao

Miribilla kalea oinezkoentzat osorik egokitzeko lanetan

Azaroan hasi ziren obretan saneamendu-sarea ere osorik berritu, argiak kanalizatu eta hiri-altzariak jarriko dira berriro. Banku berriak eta hamaika zuhaitz berri ere ipiniko dira.

Argazkia: www.google.es/maps| Ikusi handiago | Argazki originala

Miribilla kalea oinezkoentzat jartzeko lan horiek Martzana kalearen diseinu bera izango dute, bi kale horien artean jarraikortasuna egon dadin. Kale horretatik ibiliko diren autoak, soilik, garajetarako sarbidea duten jabeenak izango dira. Horrez gain, atarietarako sarbideak eta kaleko ekipamenduak hobetuko dira, mugikortasun murriztua dutenentzat aldapatxoak jarriz.

Martxoan amaituko dira Miribilla kalea oinezkoentzat jartzeko lanak, eta 500.000 euroko inbertsioa beharko du.

Lanari lehentasuna eman diote auzotarrek eta 2016-2019 Auzokide Planaren barruan dago. 2016-2019 Auzokide Planak 124 jarduteko esparru barne hartzen ditu eta dagoeneko 70 ekintza abian jarri dira.

Via Uriola.eus

BilbaoHiria.com Copyright © 2015 info@bilbaohiria.com +34 944 413 920

To Top